Category: Events

உலகம் அழியப் போகிறது என்று தெரிந்தாலும் உங்கள் கையில் ஒரு மரம் இருந்தால் அதை நட்டிவிடுங்கள் என ஒரு நபிமொழி சொல்கிறது. ஒரு மரம் மனிதர்களுக்கும் ஏனைய உயிரினங்களுக்கும் எத்தனையோ விடயங்களைக் கொடுக்கிறது.சுவாசிக்க காற்று,நிழல்,கனி,விறகு என மரம் தன்னையே அர்ப்பணிக்கிறது. மரம் எப்போதும் கொடுக்கின்றது. அப்படிப்பட்ட ஒரு மரத்தை நடுவதும் தர்மமாக ஆகிறது.நிலையான தர்மம் அது.

நாம் நடும் ஒரு மரம் வளர்ந்து அதிலிருந்து ஒரு பறவையோ பிராணியோ சாப்பிட்டாலும் அதன் நன்மை நட்டவனுக்குக் கிடைக்கிறது. மரங்கள் மற்றும் காடுகளை அழிப்பதால் அவற்றால் கிடைத்து வந்த பயன்கள் மறைந்து எதிர்மாறான விளைவு ஏற்படும் என்பதை மறந்து, சாலைகள் அமைத்தல், சாலை விரிவாக்கம், தொழிற்சாலைகள், கட்டிடங்கள், நீர் மின் உற்பத்தி நிலையங்கள் அமைப்பது, விமான நிலையங்கள், சுரங்கப் பணிகள் உள்ளிட்ட பல்வேறு காரணங்களுக்காக ஏராளமான மரங்கள் வெட்டப்பட்டும், காடுகள் அழிக்கப்பட்டும் வருகின்றன.

இதனால் பருவநிலை மாற்றம், இயற்கைப் பேரழிவு போன்றவை அதிகரித்துள்ளது.மரங்களைப் போன்று காடுகளை வளர்க்க முடியாது. காடுகளானது மரங்கள் மட்டும் அடங்கியவையல்ல. அவை மரங்கள், செடிகள், கொடிகள், புல் பூண்டு உள்ளிட்ட தாவரங்கள், விலங்குகள், நுண்ணுயிரிகள் உள்ளிட்ட பல்வேறு பகுதிகளை கொண்டவை. காடுகளின் இயல்பான போக்கினை மனிதனால் கொண்டுவர முடியாது. அதுவே முன்பு போல் மரங்கள் அடர்ந்திருந்தால் அவற்றின் வேர்கள் மண்ணை இறுகப்பற்றி நிலச்சரிவைத் தடுத்திருக்கும் என்பது குறிப்பிடத்தக்கது. இவ்வளவு நன்மை கொடுக்கும் மரங்கள் காடுகளை அழிவில் இருந்து பாதுகாப்பது என் கடப்பாடாகும்.

எனவே ஒவ்வொரு வீட்டிலும் மரக்கன்றுகளை நட்டு, மரம் வளர்க்க முயற்சிக்க வேண்டும். இடவசதி இல்லாதவர்கள் ஒன்றிணைந்து அருகிலுள்ள மைதானங்கள், பூங்காக்களில் வளர்க்க முயற்சிக்கலாம். குடியிருப்பு வளாகங்கள், பள்ளி, கல்லூரி வளாகங்கள் என பல்வேறு இடங்களில் இதற்கான முயற்சிகளை அனைவரும் ஒன்றிணைந்து மேற்கொள்ளலாம். மரம் வளர்க்க முயற்சிப்பவர்களுக்கு உரிய உதவிபுரிய வேண்டும். இப்படிச் செய்வதன் மூலம் இயற்கை வளங்களை நிச்சயமாக பாதுகாக்க முடியும்.

மரம் வளர்ப்போம்… மனிதம் வளர்ப்போம்

உலக மண் தினத்தினை முன்னிட்டு மண் வளத்தினை பாதுகாப்பதற்கான விழிப்பணர்வினை மக்களிடையே ஏற்படுத்தும் நோக்குடன் வவுனியா மாவட்டத்தில் இயங்கும் அரச திணைக்களங்களுடன் இணைந்து நகர சபையினால் வவுனியா நகரப்புற பகுதிகளில் சுற்றாடலில் காணப்பட்ட எமது மண் வளத்திற்கு தீங்கினை ஏற்படுத்தக்கூடிய பிளாஸ்டிக் மற்றும் பொலித்தீன் கழிவுகள் சேகரிக்கப்பட்டு அகற்றப்பட்டது.

தற்போது பயணங்களின் போது அதிகளவான பிளாஸ்டிக் மற்றும் பொலித்தீன் பாவனையானது அதிகரித்துச்செல்வதனை அவதானிக்க முடிகின்றது. அவை மண் வளத்திற்கும் சுற்று சூழலுக்கும் பாதிப்பினை ஏற்படுத்தாதவாறு மீள் சுழற்சிக்கு உட்படுத்தக்கூடியவாறு அகற்றுதல் அவசியமான ஒன்றாகும். இது தொடர்பிலான விழிப்புணர்வினை ஏற்படுத்தும் விதமாக வவுனியா பதிய பேருந்து நிலையத்தின் ஊடாக பயணத்தினை முன்னெடுக்கும் பேருந்துகளில் பயணம் செய்யவிருந்த பயணிகளுக்கு பேருந்து பயணத்தின் போதான கழிவகற்றல் பாவனைக்காக கழிவகற்றல் பைகள் வழங்கப்பட்டு பயணிகள் மத்தியில் இது தொடர்பான விழிப்புணர்வினை ஊட்டும் நடவடிக்கைகள் இன்றைய தினம் முன்னெடுக்கப்பட்டது. இந்நிகழ்வில் வவுனியா மாவட்ட அரசாங்க அதிபர், மேலதிக அரசாங்க அதிபர் அவர்களுடன் இணைந்து நகர சபை செயலாளர், பொது சுகாதார பரிசோதகர் மற்றும் உத்தியோகத்தர்கள் ஊழியர்கள் ஆகியோர் பங்குபற்றியிருந்தமை குறிப்பிடத்தக்கது.

   

வாசிப்பு திறனை மேம்படுத்தும் வகையில் ஒக்டோபர் மாதத்தினை தேசிய வாசிப்பு மாதமாக பிரகடனப்படுத்தப்பட்டு தேசிய ரீதியில் விசேட நிகழ்வுகள் முன்னெடுக்கப்பட்டன.

வவுனியா நகரசபையின் அனுசரணையுடன் வவுனியா நகர சபை பொது நூலகத்துடன் இணைந்து தேசிய வாசிப்பு மாதத்தினை சிறப்பிக்கும் வகையில் பாடசாலை மாணவர்களின் வாசிப்பு ஆற்றல் திறன்களை மேம்படுத்தும் வகையில் பல நிகழ்வுகள் நடத்தப்பட்டன

இதற்கு அமைய இறுதி நாளான இன்று இறுதி நிகழ்வுகள் இன்று வவுனியா நகரசபை கலாச்சார மண்டபத்தில் நடைபெற்றது.

தேசிய வாசிப்பு மாதத்தின் இறுதி நாள் நிகழ்வாக “உலகம் வாசிப்பவருக்கே சொந்தமானது ” எனும் தொனிப்பொருளில் நகர சபை செயலாளர் தலைமையில் நடைபெற்ற நிகழ்வில் தேசிய வாசிப்புமாத சிறப்பிதழ் ( இதழ் 08 ) வெளியீட்டு வைக்கப்பட்டன.

வவுனியா நகரசபை செயலாளர் தலைமையில் நடைபெற்ற இந்நிகழ்வில் , கணக்காளர், நிர்வாக உத்தியோகத்தர் , பொது நூலகர், அலுவலக உத்தியோகத்தர்கள், பாடசாலை அதிபர்கள், ஆசிரியர்கள் ,பாடசாலை மாணவர்கள் , வாசகர்கள் என பலரும் கலந்துகொண்டனர்…

————————————————————————-

வருமானம்

**************

சபையின் சொந்த வருமானம் 153,077,831.88

நன்கொடைகள் மற்றும் வருமான மீள் நிரம்பல்கள் 112,353,740.00

மூலதன பெறுகைகள் 5,000,000.00

எதிர்பார்க்கப்படும் மொத்த வருமானம் 270,431,571.88

செலவீனம்

**************

மீண்டெழும் செலவுகள் 225,281,515.00

மூலதன செலவுகள் 45,150,000.00

எதிர்பார்க்கப்படும் மொத்த செலவீனம் 270,431,515.00

மேற்படி எமது சஞ்சிகையானது வருடம் தோறும் வெளியிடப்பட்டு வருகின்றது. 8வது சஞ்சிகைக்கான ஆக்கத்தினை வழங்க விரும்புவோர். 23-10-2023 ம் திகதிக்கு முன்னர் நூலகத்தில் நேரடியாகவோ அல்லது vavuniyalibrary@gmail.com என்னும் மின்னஞ்சல் முகவரிக்கோ அனுப்பிவைக்குமாறு கேட்டுக் கொள்கின்றேன்.

செயலாளர்.

நகரசபை,

வவுனியா.

16.10.2023