August 2024

தேசிய மாவீரன் பண்டார வன்னியனின் 221 வது நினைவு தினம் அனுஷ்டிப்பு

Posted on August 27, 2024March 5, 2025 by webadmin

தேசிய மாவீரன் பண்டார வன்னியனின் 221 வது நினைவு தினம் அனுஷ்டிப்பு

பண்டாரவன்னியன் இலங்கையின் மாபெரும் தேசிய வீரனும், அடங்காப்பற்றின் (வன்னி) தன்னிகரற்ற தமிழ் மாமன்னனுமாவார்.இலங்கை வன்னி நிலப்பரப்பின் இறுதி மன்னனாகவும், இறுதி தமிழ் அரசராகவும் விளங்கிய பண்டார வன்னியன், முல்லைத்தீவு ஆங்கிலேயர் கோட்டையை கைப்பற்றிய வெற்றி நாள் (ஆகஸ்ட் 25) கொண்டாடப்படுகிறது.

வன்னி ராஜ்ஜியத்தின் இறுதி மன்னனான தேசிய வீரன் மாவீரன் பண்டாரவன்னியனின் 221 ஆவது நினைவு நாள் நிகழ்வானது வவுனியா நகர சபை மற்றும் பண்டாரவன்னியன் விழா ஏற்பாட்டுக்குழுவின் ஏற்பாட்டில் வவுனியா மாவட்ட செயலகத்திற்கு முன் அமைந்துள்ள பண்டாரவன்னியன் சதுக்கத்தில் 25.08.2024 ஆம் திகதி அனுஷ்டிக்கப்பட்டது.

வவுனியா நகரசபை செயலாளர் அ.பாலகிருபன் தலைமையில் இடம்பெற்ற இந்நிகழ்வில், மாவட்ட அரசாங்க அதிபர் திரு. பீ.ஏ.சரத்சந்திர, முதன்மை அதிதியாக கலந்து கொண்டதுடன், சிறப்பு விருந்தினராக பிராந்திய உள்ளூராட்சி உதவி ஆணையாளர் திரு.தெ.ரதீஸ்வரன், தமிழ்மணி அகளங்கன், மற்றும் பொது அமைப்புக்கள், பொதுமக்கள், மாணவர்கள், தமிழ் பற்றாளர்கள் என பலரும் கலந்து கொண்டிருந்தனர்.

இதன்போது பண்டாரவன்னியனின் திருவுருவ சிலைக்கு மாலை அணிவிக்கப்பட்டு மலர் அஞ்சலியும் செலுத்தப்பட்டதுடன், அவர் தொடர்பான சிறப்புரைகளும் இடம்பெற்றிருந்தது. மாவீரன் பண்டாரவன்னியன் இம்மண்ணிலே மரணித்தாலும் ஒவ்வொரு தமிழர்களது மனங்களிலும் அவன் ஓர் வீரனாக வாழ்ந்து வருகின்றான் என்பதனை எவராலும் மறுக்க முடியாது. எனவே இந்நாளில் அவரைப் போற்றி நினைவுகூருவோம்.

தேசிய மாவீரன் பண்டாரவன்னியனின் 221 வது ஞாபகார்த்த விழா – 25.08.2024

Posted on August 21, 2024March 5, 2025 by webadmin

தேசிய மாவீரன் பண்டாரவன்னியனின் 221 வது ஞாபகார்த்த விழா

தேசிய மாவீரன் பண்டாரவன்னியனின் 221 வது ஞாபகார்த்த விழாவானது 25.08.2024 ஆம் திகதி காலை 9.00 மணிக்கு மாவட்ட செயலகத்தின் முன்பாக அமைந்துள்ள தேசிய மாவீரன் பண்டாரவன்னியன் சதுக்கத்தில் இடம்பெறவுள்ளது. அனைவரையும் இவ்விழாவில் பங்கேற்று சிறப்பிக்குமாறு அன்புடன் அழைத்து நிற்கின்றோம்.

செயலாளர்

வவுனியா நகர சபை

வரவு செலவு திட்டத்திற்கான முன்மொழிவுகள் பெறல் – 2025

Posted on August 1, 2024March 5, 2025 by webadmin

வரவு செலவு திட்டத்திற்கான முன்மொழிவுகள் பெறல் – 2025

2025 ஆம் ஆண்டிற்கான வவுனியா நகர சபையின் வரவு செலவு திட்டத்தினை தயாரிப்பதற்கான மக்கள் பங்கேற்பு கலந்துரையாடல்கள் தற்போது வட்டார ரீதியாக இடம்பெற்று வருகின்றது. இக்கலந்துரையாடல்கள் ஊடாக 2025 ஆம் ஆண்டில் சபையினால் முன்னெடுக்கப்படவுள்ள அபிவிருத்தி வேலைகள் தொடர்பான முன்மொழிவுகள் சேகரிக்கப்பட்டு வருகின்றது.

இக்கலந்துரையாடல்களில் பங்குபற்ற இயலாதோர் 2025 ஆம் ஆண்டிற்கான வரவு செலவு திட்ட முன்மொழிவுகளை Google Form ஊடாக சமர்ப்பிப்பதற்கு பொது மக்களுக்கு வாய்ப்பளிக்கப்பட்டுள்ளது.

கீழ்த்தரப்பட்டுள்ள இணைப்பினை ( Link ) கிளிக் செய்வதன் மூலம் தங்கள் வட்டாரங்களுக்கான அபிவிருத்தி வேலைகளுக்கான முன்மொழிவுகளை எதிர்வரும் 31.08.2024 ஆம் திகதி நள்ளிரவு 12 மணிக்கு முன்பதாக எமக்கு சமர்ப்பிக்க முடியும் என்பதனை பொதுமக்களுக்கு அறியத்தருகின்றோம்.